Pukapuka ManuhiriVisitors' Book

Whakamāori whakapākehā ranei: 017-018| Translation of pages: 017-018

• open

  Nga kupu a nga tangata matakitaki, me tuhituhi kikonei|Te reo Māori and English - complete transcription

  Te Ra Date	Ingoa Name	Kainga Residence	Whakaaro Comments
  Akuhata, 30 1901	Ko au ko Nika kua kite	To ku kai nga / Matahuru	No te nei ra au kakitei ngatu Pu na ra nga ti ra o mu ai ng ata hu nga hoki ta Pu o mua iaKi ngi Ta whi ao hoki
  30 - 1901	Matena Tukarawa	Rangiriri	Note nei ra katae mai ahau kia kite I nga Rangatira Maori onga motu e rua nei oaotearoa me te wai pounamu Henui toku aroha kia koutou katoa kua wehe atu nei kite ra wahi tena koutou katoa
  Akuhata, 30 - 1901	Rev. Hone Peri Paerata	Motuiti Foxton	No ngati Tuwharetoa ahau, i rongo ahau kia te Heuheu Tukino i nga kupu whakamiharo mo nga rangatira wairua e noho a tinana i roto i tenei whare heoi toku taenga mai nei kia kite he aroha anake te mea i mohiotia e au i roto i tenei ruma no reira, e te kai tiaki o nga rangatira wairua e noho nei i Tenei kia ora tonu koe i raro i te atawhai o to tatou Ariki o Ihu Karaiti.
  Hepetema 3 1901	Wiremu Hare Pomare, Emere Pomare	Pouto	No Ngti kahungungu maua i haere mai kia kite i nga ahua hoi kite ana mauai o maua Tupuna ia Ihaka Whanga raua ko Renata Kawepo Kote aroha te mea nui i tae mai ki roto ite ngakau. hoi, ki ora e nga rangatira Wairua i raro ite manaki oto tatou ariki.
  Hepetema 3 1901	Kawhi P. Kena	Pouto	Kua tae mai ahau kiroto itenei whare kua kite ahau ite ahua onga tupuna kei tenui te aroha otoku ngakau kia Ratou kei te mihi ano Hoki ahau kinga kaitiaki. Mate atua ano Hoki aia Etiaki.

• open

  Ngā kupu a ngā tāngata mātakitaki, me tuhituhi ki konei |Te reo Māori - with modern punctuation and macrons

  Te Ra Date	Ingoa Name	Kainga Residence	Whakaaro Comments
  Akuhata, 30 1901	Ko au ko Nika kua kite	To ku kai nga / Matahuru	Nō tēnei rā au ka kite i ngā tūpuna rangatira o mua, i ngā tohunga hoki tapu o mua i a Kingi Tāwhiao hoki.
  30 - 1901	Matena Tukarawa	Rangiriri	Nō tēnei rā ka tae mai ahau kia kite I ngā rangatira Māori o ngā motu e rua nei o Aotearoa me Te Waipounamu He nui tōku aroha ki a koutou katoa kua wehe atu nei ki tērā wāhi, tēnā koutou katoa.
  Akuhata, 30 - 1901	Rev. Hone Peri Paerata	Motuiti Foxton	Nō Ngāti Tūwharetoa ahau, i rongo ahau ki a Te Heuheu Tukino i ngā kupu whakamīharo mō ngā rangatira wairua e noho ā-tinana i roto i tēnei whare. Heoi, tōku taenga mai nei kia kite, he aroha anake te mea i mōhiotia e au i roto i tēnei rūma. Nō reira, e te kaitiaki o ngā rangatira wairua e noho nei i tēnei kia ora tonu koe i raro i te atawhai o tō tātou ariki o Ihu Karaiti.
  Hepetema 3 1901	Wiremu Hare Pomare, Emere Pomare	Pouto	Nō Ngāti Kahungungu māua, i haere mai kia kite i ngā āhua. Heoi kite ana māua i ō māua tūpuna i a Ihaka Whaanga rāua ko Renata Kawepō. Ko te aroha te mea nui i tae mai ki roto i te ngākau. Heoi, kia ora e ngā rangatira wairua i raro i te manaaki o tō tātou Ariki.
  Hepetema 3 1901	Kawhi P. Kena	Pouto	Kua tae mai ahau ki roto i tēnei whare, kua kite ahau i te āhua o ngā tūpuna. Kei te nui te aroha o tōku ngākau ki a rātou, kei te mihi anō hoki ahau ki ngā kaitiaki. Mā te Atua anō hoki a ia e tiaki.

• open

  Ngā kupu a ngā tāngata mātakitaki, me tuhituhi ki konei |English - complete transcription and translation

  Te Ra Date	Ingoa Name	Kainga Residence	Whakaaro Comments
  Akuhata, 30 1901	Ko au ko Nika kua kite	To ku kai nga / Matahuru	Today I saw the ancestors of chiefly lineage of olden times, and the sacred tohunga and indeed King Tāwhiao.
  30 - 1901	Matena Tukarawa	Rangiriri	Today I have seen the Māori chiefs of both islands, Aotearoa and Te Waipounamu I have much love for you all you who have left for that other place, greetings to you all.
  Akuhata, 30 - 1901	Rev. Hone Peri Paerata	Motuiti Foxton	I am from Ngāti Tūwharetoa and I heard the statement of Te Heuheu Tūkino and his amazement in relation to the spiritual chiefs present in physical form in this house. When I came here to view, the only emotion I felt was love in this room. So I say to you the spiritual guardians who are living here greetings to you in the love of Jesus Christ.
  Hepetema 3 1901	Wiremu Hare Pomare, Emere Pomare	Pouto	We are both from Ngāti Kahungungu and we came to see the images. So we have seen our ancestors Ihaka Whānga and Renata Kawepō. The strongest emotion we feel in our hearts is love. Therefore, greetings to the spiritual ancestors within the blessings of Our Lord.
  Hepetema 3 1901	Kawhi P. Kena	Pouto	I have come to this house I have seen the images of the ancestors My heart is full of love for them I also greet their guardians May God bless you.